Өнімді жинау тамыз айының 20-да басталып, қазан айының ортасында аяқталады. Басқа да технологиялық процестері сияқты жүзім қолмен жиналады. Тамыз, қыркүйек айларында күн ыстық болады, оның бір жақсы жері бұл айлардың құрғақ болуы, біздің терруардың артықшылығы да осында жатыр. Тамыз бен қазан аралығындағы құрғақшылық кезеңі біз үшін өте қолайлы, соның арқасында жаңбырға езілмеген құрғақ жүзім жинаймыз. Көптеген елдерде өнімді жинау кезде жауған жаңбыр қолбайлау болып, мерзіміне де, сапасына да әсер етеді. Біздің жүзім сорттары бірінен кейін бірі пісетіндіктен, бұл уақыт біздің жұмысымыз үшін ең бір жауапты кезең болып табылады. Сондықтан бұл кездері қаладағы әр түрлі еңбек ұжымдары мен жалдамалы жұмысшыларды жұмылдырамыз. Бұл уақытта шарапзауытында күн-түні үзіліссіз жұмыс істелінеді.